KREDIBILIDADE HORTA MAK BOSOK POVU BA NIA INTERESE PESOAL

Dili. Ex. Presidente da Repulika Jose Ramos Horta wainhira akompanha Partidu Demokratiki iha kampanha Eleisaun Parlamentar nian iha Suku Beko Distritu Kovalima, Tersa (12/6) hateten katak nia preokupa ho Lista Partidu CNRT nian.

Ex Presidente ne'e mos tenta bosok povu iha Suku neba ho liafuan dehan nia (Horta) Rona katak se CNRT manan karik, Gil Alves mak ba Ministru Financas no Francisco Calbuady mak ba Ministru Defeza. Eis Presidente ne'e uja mensajen ida ne'e para atu atrai votus ba Partidu Demokratiko, maski atrai ho liafuan bosok.

Povu Timor Leste nebe asesu ba informasaun Jornal sira ne'e senti preokupadu tamba ema ida ho figura Internasional, koinhesidu iha mundu, Eis Presidente da Republika ida tenta soe liafuan bosok ba povu, sem faktus hodi dada ema nia atensaun. Povu Timor Leste nia preokupasaun laos buat seluk, sira nia preokupasaun tamba Horta foti asuntu ida nebe Povu Timor Leste lafiar atu akontese. Lafiar tamba Sr. Gil Alves hanesan Sekretariu Geral Partidu ASDT mai ho nia Estrutura ba Partidu CNRT ho Inkondisional, laiha kontratu politiko ida ho CNRT, nune'e mos Presidente CDN, Sr Francisco Kalbuady Lay, desde tinan 2007, Asume nudar Presidente CDN nunka hakarak kargu ministru ida. Tamba ne'e mak iha Governasaun AMP, maski CNRT mak lidera Koligasaun ida ne'e, Kargu Ministru ida nunka monu ba CNRT nia ema.

Wainhira tenta halo konfirmasaun ba asuntu ida ne'e ho Militantes CNRT ida Jose Lemorai Costa iha Sede Partidu CNRT nian hateten katak "Ida ne'e mak situasaun Ramos Horta nian agora, komu laheten apoio husi CNRT iha eleisaun Presidente foin dadauk, nebe lori nia ba Derota ikus mai ho emosaun, ba halo koligasau ho Partidu PD para kontra CNRT no Kontra Xanana Gusmao".

Militante ne'e mos hatutan liu tan katak "Wainhira Horta lakon iha Eleisaun Presidensial Primeira Volta nia bolu Lideres Partidu ASDT, PD no PSD para halo koligasaun ida atu kontra Xanana no Taur. Tamba Horta hatene katak Taur Kuandu Presidente, dalan ba Xanana atu fila ba Primeiru Ministru luan liu tan ona, maibe tamba Lider PSD sira lakohi koligasaun entaun dengue kona kedas nia". Ema barak hanoin katak Dengue kona Presidente ne'e Dengue tebes duni, afinal la'e, tamba buka dalan para forma bloku atu hasoru Xanana no Taur mak la hetan ikus mai dehan nia kona Dengue".

Laos foin mak ida ne'e, wainhira Horta hatene katak CNRT la Apoio ona nia kandidatura ba Presidente da Republika ba Segundu Mandatu, Horta komesa hasai liafuan kroat hasoru Lider Rezistensia sira hanesan Taur no Xanana, ikus mai nia kompanha PD husu ba Eleitor CNRT nian atu vota ba PD para maun Xanana fila ba Primeiru Ministru. Ida agora komesa bosok malorek liu tan. Tamba ne'e mak Povu Timor hatene ona katak afinal Premiadu Nobel da Paz no Eis Presidente da Republika nia kredibilidade mak bosok Povu Timor Leste, Bosok eleitor ba nia interese, Eis Presidente ida nebe hakarak kria koligasau ida iha Timor Atu kontra Taur no Xanana Gusmao. (JL)

"Alfredo Pires Rejeita Governu Fakar Osan Mina Arbiru"

Jornal Nacional Diario - Kuarta, 13 Junu 2012

Sekretariu Estadu Rekursu Naturais (SERN), Alfredo Pires rejeita total ne’ebe ema balun dehan osan mina rai durante ne’e fakar deit, tamba osan husi mina ne’e governu uza ba nesesidade Timor nian.

 

"Osan Mina nia ne’e uza ba seluk salariu funsionariu publiku, selu ba ferik-katuas, veteranus, bolsu estudu, pakote referendum, PDDI-PDDII no seluk tan," Alfredo Pires klarifika ba jornalista Tersa (12/6) iha niania knaar fatin fomentu Dili, relasiona ho liu husi kampania parlamentar ne’ebe dehan osan husi mina nia fakar deit inklui negosiasaun Greater Sunrise la lao.

"Ema balun durante iha kampania dehan katak, gasta osan ne’e lalos oituan tanba ita atu defende interese nasional boot ida, ne’ebe ita haree ba ita nia moris baa ban bain rua nian benefisiu saida deit maka projeitu bot ida hanesan Greater Sunrise ne’e, maibe ita tenki defende tuir matenek i prosesu ne’ebe iha," haklaken Alfredo Pires.

SERN Alfredo Pires hatutan, negosiasaun Greater Sunrise lao, nune’e mos durante tianan 5 mandatu Governu AMP mantein esforsu defende greater sunrise to’o mandatu Govenu AMP remata iha tempu badak mai. Kona ba akordu Timor-Leste ho Australia ne’ebe maka sei remata iha tinan 2013, SERN dehan, labele preokupadu ho dedline ne’e, tanba buat hotu tuir ninia prosesu.

"Timor-leste la dun preokupa ho deadline ida ne’e, tamba buat hotu tuir ninia prosesu, tanba iha prosesu negosiasaun sempre mosu buat ida ne’e, ita lalika ansi ho ida ne’e," dehan Alfredo Pires.Sekretariu Estadu Rekursu Naturais (SERN), Alfredo Pires rejeita total ne’ebe ema balun dehan osan mina rai durante ne’e fakar deit, tamba osan husi mina ne’e governu uza ba nesesidade Timor nian.

"Osan Mina nia ne’e uza ba seluk salariu funsionariu publiku, selu ba ferik-katuas, veteranus, bolsu estudu, pakote referendum, PDDI-PDDII no seluk tan," Alfredo Pires klarifika ba jornalista Tersa (12/6) iha niania knaar fatin fomentu Dili, relasiona ho liu husi kampania parlamentar ne’ebe dehan osan husi mina nia fakar deit inklui negosiasaun Greater Sunrise la lao.

"Ema balun durante iha kampania dehan katak, gasta osan ne’e lalos oituan tanba ita atu defende interese nasional boot ida, ne’ebe ita haree ba ita nia moris baa ban bain rua nian benefisiu saida deit maka projeitu bot ida hanesan Greater Sunrise ne’e, maibe ita tenki defende tuir matenek i prosesu ne’ebe iha," haklaken Alfredo Pires.

SERN Alfredo Pires hatutan, negosiasaun Greater Sunrise lao, nune’e mos durante tianan 5 mandatu Governu AMP mantein esforsu defende greater sunrise to’o mandatu Govenu AMP remata iha tempu badak mai. Kona ba akordu Timor-Leste ho Australia ne’ebe maka sei remata iha tinan 2013, SERN dehan, labele preokupadu ho dedline ne’e, tanba buat hotu tuir ninia prosesu.

"Timor-leste la dun preokupa ho deadline ida ne’e, tamba buat hotu tuir ninia prosesu, tanba iha prosesu negosiasaun sempre mosu buat ida ne’e, ita lalika ansi ho ida ne’e," dehan Alfredo Pires.

Governu Foun Presiza Implementa Militar Obrigatoriu

Posting Husi : Josefa Parada

---

DILI- Governu nebe mai presiza implementa militar obrigatoriu iha nasaun Timor Leste, tamba programa ne’e diak tebes ho servisu nasional nebe implementa ona iha nasaun Singapura, tan ne’e governu foun presiza halo aniliza no estudu hodi implementa.

Sekretariu Estadu Defeza Julio Tomas Pinto ba STL Tersa (12/6) iha nia knar fatin, wainhira fila husi vizita nebe halao iha singapura hamutuk ho brigadeiru Jeneral Filomeno Paixão tamba hetan konvite husi Ministru Defeza Singapura nian hodi partisipa iha Sangrila dialogue.
“Servisu nasional ba militar obrigatoriu ida ne’e mos planu ida nebe importante durante ne’e ita nia Prezidente Republika Taur Matan Ruak koalia, tan ne’e ami koalia ona ho Ministru Singapura tamba sira iha esperensia diak tebes,” dehan Julio.
Nia hatutan joventude nebe antes remata eskola iha ensinu sekundaria tama militar obrigatoriu durante tinan ida ho balun, hodi halao servisu militar obrigatoriu iha Singapura tan ne’e Timor Leste prepara atu implemente programa ne’e. Informasaun kompletu iha STL Jornal no STL Web, edisaun Kinta (14/6). Timotio Gusmão

"Xanana: CNRT Mosu Atu Tau Matan Ba Povu Nia Moris"

Notisia Husi TVTL - Kinta Kalan, 07 Junu 2012

Veteranus, Faluk, oan kiak, Joventude no unidade nasional sai programa prioridade ba CNRT wainhira manan iha eleisaun Parlamentar.

Kay Rala xanana Gusmao hato’o asuntu ne’e, wainhira hala’o kampania ba terseiru dia iha Distritu Baucau.

Perante militante no simpatizantes iha Stadion Fotbal Distritu Baucau, Prezidenti partidu CNRT Kay Rala Xanana Gusmao hato’o nia komprimisiu politiku hodi enkoraza militantes, no simpatijantes sira hodi vota ba CNRT ho numeru sorteiru 11 iha eleisaun lejislativa tinan ida ne’e.

Kay Rala xanana Gusmao hateten, ukun aan kuandu laiha unidade nasional Timor-Leste sei lakon nia dignidade, tamba nasaun ne’e hamrik husi ruin no ran povu Timor-Leste tomak.

"Bainhira populasaun tun mai vila laran ho terus nafatin, ho mate, ho hamlaha, mate tamba moras, ami iha ai-laran, ami hanoin katak saida maka ita nia kbiit, saida maka ita nia frakeiza, istoria funu beiala sira nia dehan, bainhira ita la hamutuk, sira kaer reinu ida ba alakon tiha," dehan Xanana.

Nu’udar rejistensia masimu, Kay Rala Xanana Gusmao hateten, programa perioridades ne’ebe presiza tau matan mak , veteranus, faluk , ona kiak, ferik katuas, inklui joventude hirak ne’ebe to’o agora seidauk iha servisu.

"CNRT la buka buat oioin, CNRT buka atu hatene nesesidade Povu nian, nesesidade joven sira nian, nesesidade distritu sira nian, nesesidade suku sira nian, nesesidade sub distritu sira nian, para ukun ne’e labele husi Dili deit maka mai, katuas ferik sira balun seidauk simu, veteranu sira balun seidauk simu, buat oioin, labarik sira, joven sira seidauk servisu," deklara Xanana.

Kampania iha distritu Baucau ne’e hetan apoiu husi grupu ne’ebe anaran an FRETILIN Rejistensia no militante balun husi Partidu ASDT.

"Xanana Gusmao: Ohin Ita Banga Tamba Eletrisidade Bele Fo Naroman Ona"

Notisia Husi TVTL - Kuarta Kalan, 06 Junu 2012

Kay Rala Xanana Gusmao hateten, infraestrutura bazikas, eknomia seitor privadu nasional, administrasaun publika no justica sai programa prioridade wainhira CNRT manan iha eleisaun.

Prezidenti CNRT hato’o asuntu ne’e, wainhira hala’o kampania bad ala 2 iha sub Distritu Kelekai Distritu Baucau.

Kampania iha Sub Distritu Kelekai, distritu Baucau simu husi militante no simpatizantes, Xanana Gusmao hateten, tenki hamutuk hodi tau aas interese nasional hodi hadia rai ne’e, nune’e mundu bele rekoinese.

"Hamutuk unidade nasional, tenki unidade objetivu, unidade hakarak, unidade mehi, ita nia mehi atu dezenvolve, mehi atu asai povu ne’e husi mukit no kiak, mehi atu hahi hodi hadia rai ida ne’e, harii rai ida ne’ebe mundu sei dehan katak los duni povu ida ne’e halo milagre foun," deklara Xanana.

Lider rejistensia ne’e sublina katak, programa partidu CNRT nian ba tinan 5 ne’e, prioridade importante maka hadia infraestrutura, administrative publika, ekonomia, justisa no seluk tan, wainhira manan iha eleisaun parlamentra tinan ida ne’e.

"Iha 2009 temi infraestrutura, ohin ita bele banga dehan katak, eletrisidade mai haleu ona iha Timor, maske barak seidauk hetan maibe sei lao nafatin, buat nee buka uma hotu-hotu atu tau naroman ba, kapital umanu tau matan ba labarik sira ne’ebe ohin loron barak maka servisu laiha, atu fo formasaun, fo skil ba sira," deklara Xanana.

Iha kampania politika ne’e, militante sira husi partidu balun halo deklarasaun politika hodi afilia ba partidu CNRT hodi bele aforsa partidu ne’e atu hasoru eleisaun parlamentar tinan ne’e.

Xanana Gusmao: "Ita Banga TL Uza Osan Mina Rai Ho Tranparansia"

Notisia Husi TVTL - Kuarta Kalan, 06 Junu 2012

Partidu CNRT hala’o primeira kampania lejislativa iha Distritu Lautem, liberta povu husi kiak no mukit sai hanesan programa perioridade iha kampania ne’e.

Prezidenti Partidu CNRT akompania husi militante no simpatizante to’o iha kampo distritu Lauteme, simu ho serimonia tradisional liu husi husik manu pombu nu’udar simbolu pas no dame partidu CNRT nian.

Xanana Gusmao husu ba militante sira atu aforsa partidu CNRT hodi kria hikas estabilidade no unidade nasional atu bele dezenvolve povu Timor-Leste.

"Hau dehan ba imi, halo desizaun importante tebetebes, desizaun kona ba unidade nasional, unidade nasional laos katak, ita mai hotu iha organizasaun ida, unidade nasional katak ita keta-ketak iha ne’eba ita tenki hanoin ida deit, unidade nasional ne’e ba hanoin ida deit saida maka ita hakarak atu alkanja," dehan Xanana.

Aliende programa unidade nasional, Xanana Gusmao mos aprejenta susesu ne’ebe durante ne’e governu ne’e hetan inklui sistema finanseiru ne’ebe rekoinese iha mundu, nu’udar nasaun ne’ebe ita transparansia diak liu ba fundu mina rai no sistema administrative.

"Uza osan petroliu nian diak liu iha Asean, banga oituan katak ita matenek, ita hatene uza osan, primeiru iha asean maka hatudu dehan, osan mina rai povu nia rikusoinn kaer ho diak, iha primeiru iha asean, ita naran diak iha mundu tomak ne’e, ita la moe ne’e, ira banga ne’e," dehan Xanana.

Iha kampania poltika ne’e, komisaun independente da rezistensia distritu 13 fo apoiu tomak ba maun boot Xanana atu manan maioria iha eleisaun parlamentar tinan ida ne’e.

Militante ASDT Distritu DILI Deklara Fo Votus Ba Xanana

Monday, 04 June 2012 10:25

Written by MX

 

DILI MLP:Militante  Partidu Asosiaun Sosial Demokratiku timorense (ASDT) Distritu Dili, Sub-distritu Kristu Rei deklara fo votus konfiansa Ba lider masimu Kay Rala Xanana Gusmão

Hau konvida imi mai iha nee Laos inisiativa hau nia mesak maibe inisiativa militante ASDT tomak Iha Sub-distritu ida nee, tamba Akontesimentu neebe ita nia Partidu ASDT infrenta. Hateten Jose Gaspar, kookrdenador ASDT Kristu Rei, iha Domingo (03/06) iha Bekora, Dili.

Nia dehan, militante ASDT neebe fo apoiu ba Lider masimu Kay Rala Xanana,  hodi Bele kontinua nafatin Iha Kintu governu Konstitusional .

Agora ita la halo afiliasaun maibe ita deklara fo votus Konfiansa deit ba Maun Boot Kay Rala Xanana Gusmão hodi kontinua kaer governu. Iha oportunidade nee, kordenador ASDT nee,husu mos ba maun Xanana, atu bele resolve Problema  Neebe mosu Iha partidu ASDT laran, atu nunee iha futuru mai bele lao diak fali hanesan uluk.

Iha fatin hanesan, reprezentante strutura nasional Partidu ASDT, lusinda Ximenes katak, deklarasaun neebe fo sai hodi apoiu lider Masimu Xanana Gusmão, tamba nia rasik mak bele halibur Povu liliu militante no oan Kiak ASDT neebe Avo Xavier husik hela.

Ami Iha Nee hakarak apoia Lider Xanana GUsmão, Tamba  Ita nia Maun Boot Ne Mak bele Hakuak ita hotu, hanesan ho Avo Xavier neebe fila ona ba iha mundu seluk, tanba Nee agora ita tenki hamrik metin hodi fo fiar ba Maun Xanana atu kontinua Kaer Governu atraves vota ba Partidu CNRT.

Iha Fatin Hanesan Vise Prezidenti, jose da Silva, Folaran, hateten Katak, lideransa iha nasuan Timor Leste durante Nee haree Lider Rezistensia Kay Rala Xanana Gusmão Mak bele halo Povu sai Moris diak no Hasai Povu husi Kiak no Mukit.

Iha Nasaun Ida nee so Ita nia maun boot Xanana Mak Bele hatutan Avo Xavier Nia lia fuan Neebe mak Hateten Katak, Hakarak Hamaran Povu Nia Matan Ben, Maibe tinan ba dadauk ona nia la konsege realize nia mehi. Agora Ita tenki fo votus ba Maun Xanana atu nunee bele Hatutan mehin no lia fuan neebe AVO Xavier nia neebe mak hamaran Povu Nia Matan been.

Husu Ba Militante ASDT neebe fo votus konfiansa atu haree didiak lideransa neebe hanesan Kontinuidade Ba Mehi no Hanoin Primeiru Prezidenti Partidu ASDT nia neebe Hakarak Lori Povu Husi Kiak Mukit avansa ba Iha dezenvolvimentu.

Deklarasaun Polítika Husi Organizasaun Masa 35

Monday, 04 June 2012 11:27

Written by Martino

 

Dili MLP-organizasaun husi parte oi-oin hamutuk 35 ne’e halo deklarasaun katak fó nia apoiu tomak ba maun boot Xanana Gusmão iha eleisaun parlamentar.

Ami husi organizasaun  masa  rezisténsia lubun boot ida dekklara katak hahu ohin ba oin ami ho kometimentu boot ida hodi harii komisaun independente eventual ba Vitória maun boot Kay Rala Xanana Gusmão liu husi kampaña parlamentar 2012.

Deklarasaun hodi harii Komisaun independente ida ne’e, kompostu husi organizasoens  masa  rezisténsia hamutuk organizasaun 35, ne’ebé nia estrutura kobre iha teritóriu Timor leste tomak . Iha deklarasaun ida ne’e hato’o ho halo hakarak rasik, honestu no justu.”porta-vos hateten” Kordenador jeral organizasaun  masa  rezistensia Cesário Salvador Boavida (Wairia)  hateten katak deklara politikamente fó apoiu tomak ba maun boot Xanana Gusmão  nu’udar heroi ne’ebé sei moris no veteranu ba libertasaun nasional atu xefia ba governasaun konstitusional RDTL periodu 2012-2017, ba ex. Sr. maun boot Kay Rala Gusmão.

Hau hato’o deklarasaun politika ne’e ho konsiensia katak objetivu ne’e sei alkansa iha eleisaun parlamentar nu’udar konstituisaun haruka ne’ebé sei presiza esfórsu ema barak  hadomi nain sira ne’ebé hakarak kontinuidade progresu no dezenvolvimentu ba rai no ema ne’ebé tau laran, ho hametin fiar, no esperansa mak maun boot Xanana Gusmão, nu’udar postular no istóriku singular no ninia didikasaun.

Esselensia  maun boot Kay Rala Xanana Gusmão, karik ami sei bele uza ita boot nia tempu oituan tan, ami ne’ebé agora dadaun hamriik  ita boot nia prenseza, hamutuk organizasaun  masa ho rezisténsia.

Resistensia Distritu Viqueque Apoiu Xanana

Posting Husi : Josefa Parada

---

DILI—Massa resistensia husi Distritu Viqueque, fo sai ona sira nia dekrasaun katak, mate ka moris sira nia votus sei fo ba Komandante Xefi da luta, Kay Rala Xanana Gusmao iha eleisaun parlamentar 7 Julhu 2012.

Deklarasaun ne’e fo sai husi responsavel Resistensia Distritu Viqueque, Jose Guterres da silva ba Jurnalista, Kinta (31/5), iha Sede Comisaun Nasional, Independente, Bairo Pite, Dili. Ho deklarasaun politika ne’e maka nia husu ba maluk resistensia tomak, atu fo votus konfiansa ba maun bo’ot Xanana Gusmao.
“ Uluk hau Paridu PSD, maibe agora hau sai ona husi Partidu PSD, mai hamutuk ho maun Xanana, ne’eduni hau husu ba resistensia tomak mai ita hamutuk fo liman ba malu hodi apoiu maun Kay Rala Xanana Gusmao,” hatete Jose Guterres.
Nune’e mos, Responsabel organizasaun Massa, Joao Martins hatete, sira iha komitmentu bo’ot atu fo sira nia votus ba Kay Rala Xanana Gusmao, tanba uluk nia maka terus ho povu, no lori povu ida ne’e to ukun rasik an. Informasaun kompeltu iha STL Jornal no STL Web, edisaun Sabado (2/6). Oscar Salsinha

“OJP-CNRT Konsidera Naikoli ‘Virus’ Aat Ba PD”

Jornal Nacional Diario - Sesta, 01 Junu 2012

Organizasaun Joventude Partidu-Congresu Nasional Recontrucao Timrense (OJP-CNRT) konsidera katak, pesoal Antonio Ramos Naikoli sei sai virus aat ne’ebe bele oho no halakon Partidu Demokratiku (PD) iha eleisaun Parlamentar Tinan ne’e.

Ba JNDiario, Prezidenti OJP-CNRT, Jose Cristovao hateten katak, statementu ne’ebe Antonio Ramos Naikoli nu’udar Vise Sekretariu Concelho Politica Nacional PD hatudu nia rasik la fiar an (tidak percaya diri) no laiha kapasidade diak atu jete partidu hodi kompete ho partidu politiku seluk iha eleisaun parlamentu nasional ne’ebe sei realiza iha 7 Jullu 2012.

“Hau hare statementu Naikoli mak la-dun fiar aan no laiha kapasidade diak atu jere partidu, entaun sira sadere ema balun nia fiar-an no laiha kapasidade diak atu jere partidu, entaun sira sadere ema balun nia figura para atu kompete iha eleisaun parlamentar, CNRT fiar-an ate agora CNRT la hakfodak ho statementu saida deit hanesan Naikoli ne’ebe koalia laiha duni kapasidade,” dehan Jose Cristovao, Kinta (31/5), iha bairo dos Grilos Dili.

Jose Cristovao esplika katak, ho servisu maka’as nia estrutura no militantes CNRT nian liu husi konsolidasaun partidu, door to door, iha eleisaun Parlamentar ne’e, CNRT fia an ona no sei hetan kadeira 45+1.

“CNRT la hakfodak ho partidu ne’ebe de’it hodi bolu hamutuk ho sira, CNRT pronto ona kompete, tamba ami fiar an duni, sira seluk la fiar an maka agora sadere ba Jose Ramos Horta ho Jacob Xavier,” nia esklarese.

Nia mos hatutan, lider politiku balun ne’ebe uza Xanana Gusmao nia naran hodi halo atividade kampanha ba sira nia partidu, OJP-CNRT mos konsidera lider ne’e laiha moral no halo ona kampanha foer.

“Xanana Gusmao ne’e nia Partidu maka CNRT, laos PD nian ka partidu seluk, sira ne’ebe uza naran Xanana Gusmao, hatudu momos tauk figura ami nia Prezidenti partidu ne’e no aproveita ami nia lideransa, hodi abosok eleitor CNRT nian para vota ba sira.

Antes ne’e, Vise Seklretariu Conselhu Politika Nasional (CPN) Partidu Demokratiku nian, Antonio Ramos Naikoli koalia katak, Partidu CNRT la fiar an, tanba ne’e maka preokupa ho afirmasaun politika ne’ebe Jose Ramos Horta halo ho PD foin lalais ne’e.