Jornal Timor Post - Segunda, 30 Abril 2012
Turi planu, Governu liu husi sekretariu Estadu Anrigu Kombatentes Libertasaun Nasional (SEAKLN), sei harii Konsellu veteranu ida hodi investiga veteranus falsu iha Timor laran tomak.informa SEAKLN, Marito Reis ba Timor Post, Kuarta (25/04), iha nia servisu fatin.
Inisiativa ne’e mosu, tanba tuir Marito, Komisaun ne’ebe durante ne’e hala’o servisu iha Distritu 13 hala’o rejistu no verifika dadus balun lalo’os no pior liu tan haree ba familiarizmu, kor politiku, hodi inventa dadus veteranus balun.
“Tan ne’e, husu ba maluk veteranus, kombatentes tenki pasensia, governu sei harii konsellu veteranu atu investiga dadus hirak ne’e, nune’e karik iha evidensia ruma komisaun sira sei ba responsabliza,” afirma Marito.
Nia hatutan, iha ema balun mak lao veteranu maibe naran tama ona iha lista hodi simu osan, tanba ne’e, nia dehan, Konsellu ne’ebe sei harii sei tau matan hotu ba kestaun sira ne’e no sei prosesa tuir lei.
“Hau mos sente problema ne’ebe ita nia maluk veteranus antigu kombatentes sira sente, no hau mos sente saida mak komisaun sira sente, maibe sujere atu komisaun sira tenki servisu ho onestu para
benefisia veteranus hotu, la’os ba deit veteranus inventadu, familiarizmu no koor politika,” hateten Marito.
Total benefisariu veteranus antigus kombatentes ne’ebe sei hala’o pagamentu iha fulan junu hamutuk 53 mil. No total orsamentu ne’ebe sei gasta hamutuk miloens US$ 70.
Tidak ada komentar:
Posting Komentar